“هنموت”.. ذعر داخل طائرة مصرية (فيديو)

إقرأ المزيد

وشارك شاب يدعى فارس متابعيه عبر حسابه الشخصي على منصة تيك توك، مجموعة من المقاطع المصورة التي “وثق بها حالة من الذعر تعرض لها الركاب على متن طائرة تابعة لشركة مصر للطيران بسبب تعطل في التكييف الداخلي للطائرة، مما تسبب في إغماء بعض الركاب وإصابة آخرين بأزمات قلبية”.

وقال فارس خلال مقطع توضيحي: الرحلة دي كانت على متن طائرة تابعة لشركة مصر الطيران، وكانت طالعة من مطار القاهرة الدولي إلى مطار نيويورك في أمريكا، ورقم الرحلة كان MS987.

وأوضح: الطبيعي أن التكييف بيكون شغال عشان دي رحلة مُدتها 12 ساعة، لكن أول ما ركبنا الطيارة كانت الدفاية هي اللي شغالة ومطلعة هواء سخن، والناس مكنتش قادرة تتنفس في الطيارة، وكان في حوامل وأطفال وكبار في السن.

وأضاف فارس في الفيديو: وفي البداية المضيفة قالت أول ما نتحرك التكيف هيشتغل، لكن الوضع كان صعب جدا والناس مكنتش قادرة تتنفس، وكان في راجل كبير جنبي تعب جدا ومكنش عارف يتنفس، كان هيموت، وكل اللي موجودين قلقوا واتوتروا.

وأردف: جابوا له عصير واوكسجين، وكانوا مصرين أننا نكمل رحلة الطيران، لكن طالبنا بـ إسعاف للراجل بعد ساعة ونص من الخناقات والجدال معاهم، ولما بتوع الإسعاف وصلوا، مش عايزين ينزلوا الراجل من الطيارة، ولما سألنا هل في أي عُطل في الطيارة لأن التكييف مكنش شغال، لكن محدش جاوب علينا، وبعد خناقات وزعيق جابوا حد يبص على التكيف.

واختتم فارس: ده مش طبيعي، أحنا المفروض طالعين مع شركة غالية ونضيفة، يعني ايه تكييف بايظ ومش شغال في رحلة مُدتها 12 ساعة، وخلال التعليقات كتب أحد المُتفاعلين: هذا الفيديو قديم جدا وقت ما تعطل كانت في تعطل السيستم للنظام العالمي في الأمن السيبراني، وكان العطل ناتجا عن عطل أنظمة الكمبيوتر والبنوك بالكامل.

المصدر: القاهرة 24